Rreziku i sigurisë, ShBA-ja sanksionon kompaninë “Sajtroks” në RMV

 

“Zyra e Departamentit për Kontrollin e Pasurive  të Huaja në Ministrinë e  Financave (OFAC)  shënjestron dy individë dhe pesë entitete të lidhura me Konsorciumin Intellexa, për rolin  e tyre në zhvillimin, funksionimin dhe shpërndarjen e teknologjisë komerciale të përgjimit. Përhapja e programeve komerciale të softverit të përgjimit rrit rrezikun e sigurisë për Shtetet e Bashkuara dhe është keqpërdorur nga aktorë të huaj për të mundësuar abuzimet e të drejtave të njeriut. “Cytrox AD” është një kompani me bazë në Maqedoninë e Veriut në kuadër të konzoriumit Intellexa dhe vepron në zhvillimin e softuerit të përgjimit “Predator”, shkruan në faqen zyrtare të Ministrisë së Financave të ShBA-së.

 

Ky vendim është komentuar edhe nga zëdhënësi amerikan, Metju Miller.

 

“Keqpërdorimi targeton amerikanët, zyrtarët amerikanë, gazetarë dhe ekspert të politikave. Ne vazhdojmë të  promovojmë  rrethoja që mbrojnë  vlerat demokratike.”, shkruan në platformën X zëdhënësi i departamentit të shtetit, Metju Miller.

 

Sipas të dhënave të Ministrisë amerikane të Financave, përveç kompanisë “Sajtroks”, nën sanksione është vendosur edhe kompania greke “Inteleksa S.A.”, kompanitë “Inteleksa Limited” dhe “Talestris Limited” nga Irlanda dhe kompania hungareze “Sajtroks Holding”.