Konferenca rajonale për gjini dhe siguri, Val: Të hapen dyert e mundësisë për gratë

 

 

“Së bashku me partnerët tanë nga Ministria për Punë të Brendshme, misionin në Shkup e përfshiu programin për barazi gjinore në polici dhe nga viti 2015 kjo ka treguar rezultate kuptimplote dhe të matshme. Për shembull me zbatimin e këtij programi, ne arritëm rritje prej 80% të grave në pozicionet e larta menaxhuese të Ministrisë së Brendshme.”, - deklaroi shefi i Misionit të OSBE-së në Shkup, Kilian Val. 

 

 

Ministri i Punëve të Brendshme Toshkovski thekson se edhe pse gratë janë më pak të përfaqësuara në pozita udhëheqëse në organet e zbatimit të ligjit, gjë që mund t'i atribuohet stereotipeve lidhur me punën në polici, lufta për fuqizimin e grave punonjëse në polici duhet të vazhdojë, veçanërisht përmes zhvillimit të vazhdueshëm dhe avancimit të njohurive të tyre.

 

“Shpresojmë që në të ardhmen të arrijmë nivelin minimal të nevojshëm si brenda numrit total të punonjësve në Ministrinë e Brendshme, ashtu edhe brenda strukturave drejtuese, që shpresoj të jetë rreth 30%, që do të ishte në përputhje me rekomandimet e OSBE-së, një përqindje minimale e kënaqshme që të mund të flasim se i kemi plotësuar kushtet fillestare rreth barazisë së të dy gjinive.”, - theksoi ministri i Punëve të Brendshme, Pançe Toshkovski.

 

Kjo konferencë dyditore ka për qëllim të lehtësojë shkëmbimin e përvojave, praktikave të mira dhe sfidave në promovimin e barazisë gjinore brenda organeve të zbatimit të ligjit në rajonin e Evropës Juglindore.