Komentet e politikanëve në Shkup, MPJ-ja bullgare thërret ambasadoren tonë atje

 

Diplomacia bullgare po ashtu kundërshton përpjekjen për përfshirjen e Bullgarisë dhe marrëdhënieve bilaterale në debatin e brendshëm politik në Maqedoni, përfshirë edhe në kontekstin e fushatës zgjedhore aktuale.

 

“Bullgaria vazhdimisht mban një ton konstruktiv dhe përmbahet nga komentimi i provokimeve të vazhdueshme në hapësirën publike të Maqedonisë së Veriut. Bullgaria e bën këtë duke kuptuar se është e nevojshme të sigurohet një mjedis konstruktiv për mbarëvajtjen normale të procesit zgjedhor, në mënyrë që të mund të zbatohen reformat e nevojshme. Fatkeqësisht, është e qartë se këto përpjekje të Bullgarisë nuk janë kuptuar dhe vlerësuar nga faktorë të caktuar në Shkup, të cilët vazhdojnë ta përdorin vendin tonë si justifikim për mungesën e progresit para qytetarëve të tyre.”, thonë nga MPJ-ja bullgare.

 

MPJ-ja bullgare po ashtu përkujton detyrat që duhet t’i mbarojë vendi ynë në mënyrë që të arrijë progres real në procesin e integrimit evropian të vendit për të mirën e qytetarëve të tij.