Futboll
Dinamo pas 46 viteve mund një skuadër greke
08.03.2024 17:37
Me fitoren 2:0 ndaj PAOK-ut, ndeshjen e parë të 1/8 së finales së Ligës së Konferencës...
Me fitoren 2:0 ndaj PAOK-ut, ndeshjen e parë të 1/8 së finales së Ligës së Konferencës, skuadra e Dinamo Zagrebit pas plotë 46 viteve e ka mundur një skuadër greke.
"Të kaltërtit" fitoren e fundit kundër një skuadre greke e kishin shënuar në vitin e largët 1977, në xhiron e parë të Kupës së UEFA-së, e kishin mundur Olympiakos-in.
Hero i ndeshjes së mbrëmshme të luajtur në “Maksimir”, ishte Bruno Petkoviq që i shënoi të dy golat e fitores, në minutën e 37-të dhe të 71-të.
Arbër Hoxha ishte titullar por luajti vetëm në pjesën e parë. Nëse e ruan këtë rezultat, Dinamo në javën tjetër do ta sigurojë çerekfinalen.