Katër vjet në NATO, Qeveria mban seancë solemne

 

“Anëtarësimi nuk na sjellë vetëm privilegje por edhe detyrime. Detyrime për t’u forcuar, për të qenë më rezistues, më të fuqishëm dhe për t’u përballur me sfidat e mbrojtjes që i sjelin tendencat dhe kërcënimet e sotme. Nuk e di a do ta quaja detyrim nga anëtarësimi sepse kjo me siguri është puna jonë e përditshme dhe pritje të cilën e kanë qytetarët prej nesh, për realizimin e së cilës punojmë me përkushtim.”, tha kryeministri Talat Xhaferi.

 

Me anëtarësimin në NATO zhduken dilemat e kërcënimit të sovranitetit dhe sigurisë së vendit, pohoi ministrja e mbrojtjes, Sllavjanka Petrovska.

 

“Përfitimi i parë kryesor është se me anëtarësimin e Maqedonisë së Veriut në NATO, asnjëherë më nuk do të bisedohet nëse sovraniteti ynë, integriteti dhe siguria e qytetarëve mund të jenë të rrezikuara. Nuk mundet! Për një shtet që ka pavarësi mbi 30 vite dhe gjendet në Ballkan, anëtarësimi në NATO do të thotë vërtetim i madh i pozicionit të saj në planin ndërkombëtar.”, tha ministrja e mbrojtjes, Sllavjanka Petrovska

 

Për ministrin e jashtëm Bujar Osmani, nga shtet që konsumonte siguri jemi shndëruar në shtet që kontribon në siguri, dhe kjo ndodhi në kohën e  duhur kur Rusia po merr hov sundimi. 

 

“Mund vetëm të paramendojmë se si do ishte situata në rajon dhe në vendin tonë po të mos ishim në NATO në kushtet e nisjes së ambicjeve imperialiste ruse. Siç kamë thanë në vazhdimësi, Ukraina është vetëm stacioni i parë i këtyre ambicjeve ruse dhe një prej stacioneve të rradhës do jetë edhe Ballkani Perëndimor.”, tha ministri i jashtëm Bujar Osmani.

 

Ndërkohë, zv.kryeministri për eurointegrime Bojan Mariçiq fton politikanët që ta vazhdojnë me vendosmëri edhe në prcesin e anëtarësimit të vendit në Bashkimin Evropian.

 

“Vendime e vështira janë me vlerë për qytetarët dhe shtetin. Vendimet e vështira që duhet t’i miratojmë lidhur me integrimin në BE neve polikanëve do të na kushtojnë, por, jini të sigurtë se kur do të  festojmë përvjetorn e anëtarësimt në BE, qytetarët do të na falenderojnë.”, tha zv/kryeministër për eurointegrime Bojan Mariçiq.

 

Maqedonia e Veriut u bë anëtarja e 30 -të e NATO-s me 27 mars të vitit 2020.