Konflikti Izrael-Hamas: Dhjetëra të vrarë, në qytetin sirian të Alepos

 

 

“Zyrtari i lartë i Hamasit të cilin e eliminuam shërbente si kreu i korpusit të furnizimit të degës ushtarake. Në të kaluarën, ai ishte gjithashtu kreu i sistemit të prodhimit të Hamasit dhe është "baza" e informacionit të organizatës rreth pajisjeve dhe municionit", u shpreh zëdhënësi ushtarak i Izraelit, Daniel Hagari.

 

Gjenerali më i lartë amerikan thotë se administrata e Bidenit nuk i ka dhënë Izraelit të gjitha armët e kërkuara deri sa zhvillon luftën kundër Hamasit në Gaza.

 

Zyrtarët amerikanë kanë qenë nën presion për të përdorur dërgesat e armëve për ta shtyrë Izraelin të rrisë ndihmën humanitare për Gazën dhe të sigurojë mbrojtje më të madhe për civilët, në veçanti derisa Izraeli kërkon të ndjekë batalionet dhe udhëheqjen e Hamasit në qytetin jugor të Rafahut.

 

“Ne kemi një marrëdhënie shumë të gjatë sigurie me Izraelin. Sigurisht, pas 7 tetorit, punuam shumë për mbështetjen e sigurisë për Tel Avivin, në përpjekjet e tyre për të mbrojtur veten kundër sulmeve të Hamasit dhe sulmeve të ardhshme terroriste. Programet si financimi i huaj ushtarak, shitjet ushtarake, janë të gjitha pjesë e përpjekjeve tona të gjata për të ofruar një avantazh ushtarak cilësor për Izraelin”, theksoi zëdhënësi i Pentagonit gjeneralmajor Pat Ryder.

 

Në enklavën e rrethuar palestineze, kriza humanitare po thellohet. Një numër i madh familjesh jetojnë në kushte të vështira. Disa prej tyre vazhdojnë të kthehen në shtëpitë e shkatërruara me shpresën për të shpëtuar disa nga sendet e tyre personale.

 

“Po kërkojmë gjëra nën rrënoja, si rroba, elektroshtëpiake. “për fat të keq, gjithçka është shkatërruar”, u shpreh banori.

 

Në lidhje me krizën humanitare në Gaza, gjyqtarët nga Gjykata Ndërkombëtare e Drejtësisë urdhëruan njëzëri Izraelin të marrë të gjitha masat e nevojshme për të siguruar furnizimet bazë me ushqim, ujë dhe karburant për Gazën pa vonesë.

 

Vendimi u mirëprit nga Hamasi dhe Xhihadi Islamik, por ata thonë se shpresonin se gjykata do të urdhëronte një armëpushim si një zgjidhje absolute për vuajtjet e popullatës.