Zgjedhjet parlamentare, dorëzimi i listave për deputetë në KShZ, afati skadon nesër në mesnatë

Partitë politike dhe koalicionet duhet të dorëzojnë listat e deputetëve për zgjedhjet parlamentare deri në mesnatën e nesërme. Në garë janë pesë koalicione. Fushata për zgjedhjet presidenciale nis të enjten dhe do të zgjasë deri më 22 prill në mesnatë.

Raundi i parë i votimit për kreun e ardhshëm të shtetit është më 24 prill dhe do të jetë ditë jo pune. Të mërkurën partitë politike pjesëmarrëse në zgjedhje do të nënshkruajnë deklaratën për zgjedhje të ndershme, të lira dhe demokratike dhe kundër gjuhës së urrejtjes. Nënshkrimi i deklaratës është një ngjarje tradicionale e organizuar nga Instituti i Ohrit që nga viti 2014 dhe mbahet para çdo cikli zgjedhor. Nënshkrimi i kësaj deklarate do të përçojë një mesazh të qartë  se politikanët e rinj, si vendimmarrës të ardhshëm, kanë vullnet dhe vendosmëri të fortë për të qenë liderë të ardhshëm dhe për të krijuar një kulturë politike të ndryshme, duke e ngritur dialogun politik në një nivel më të lartë, theksojnë organizatorët.