Rastet e krimeve serbe në Kosovë, Kurti fton drejtësinë të ngritin hetime

 

“Sistemit tonë të drejtësisë nga këtu i bëj thirrje edhe njëherë për adresim me urgjencë të rasteve të kryera gjatë luftës, sepse këto krime asnjëherë nuk janë vjetruar, por dëshmitarët janë gjithnjë e më të moshuar.”, - deklaroi kryeministri i Kosovës, Albin Kurti. 

 

Këto komente Kurti i bëri gjatë përkujtimit të masakrës së Lybeniqit, ku forcat serbe, 25 vjet më parë, kanë vrarë 79 civilë të këtij fshati në komunën e Pejës. Kurti theksoi se ushtarët serbë atë ditë i ndau gratë, fëmijët dhe të moshuarit, të cilët i urdhëruan të niseshin për në Shqipëri, kurse burrat i mbajtën në Xhaminë e Lybeniqit, e cila atë ditë u kthye në një vend krimi, ku ushtarët serbë shtinë me armë automatiku në mënyrë të përsëritur që askush të mos mbetej i gjallë. Edhe presidentja e Kosovës Vjosa Osmani ka përkujtuar masakrën duke theksuar se regjimi gjenocidal i Serbisë kishte tendencë shfarosjen e popullit shqiptar.