Gazë, punonjësit humanitar, viktima të sulmeve ajrore

 

"Australia pret përgjegjësi të plotë për vdekjen e punonjësve të ndihmës, gjë që është plotësisht e papranueshme.", - deklaroi kryeministri i Australisë, Antoni Albanese.

 

"Ata vdiqën duke bërë atë që kjo organizatë ka bërë me vite - duke ushqyer njerëzit midis kaq shumë shkatërrimeve. Shpresoj dhe kërkoj që qeveria izraelite të sqarojë rrethanat e këtij sulmi brutal sa më shpejt të jetë e mundur.”, - theksoi kryeministri i Spanjës, Pedro Sançez. 

 

Punonjësit humanitar duhet të mbrohen, thekson Shtëpia e Bardhë. Agjencia Botërore e Ushqimit ka pezulluar të gjitha aktivitetet në rajon. Uria është më se e dukshme, kurse frika po rritet për shkak të ofensivës tokësore në Rafah. Ndërkohë vazhdojnë bisedimet për marrëdhëniet Izrael-ShBA.

 

“Bisedat që ne po bëjmë për Rafah nuk janë vetëm për interesat e popullit palestinez, por edhe për sigurinë afatgjate të Izraelit.”, - u shpreh zëdhënësi i Departamentit të Shtetit, Metju Miller. 

 

Irani ka njoftuar një reagim të ashpër pas një sulmi izraelit në Siri që goditi konsullatën e tij në Damask. Disa njerëz vdiqën, mes tyre një komandant i lartë i Gardës Revolucionare.

 

“Rreth shtatë persona kanë vdekur. Dy policë që ruanin ambasadën u plagosën. Derisa të pastrohet terreni, nuk mund të jap emra dhe numra të saktë. Regjimi Sionist e di më mirë se kushdo, se krimet e tilla dhe shkeljet e ligjit ndërkombëtar do të kenë përgjigjen e tyre në kohën e duhur.”, - deklaroi ambasadori i Iranit në Siri, Husein Akbari. 

 

“Ne e dënojmë fuqishëm këtë akt kriminal të kryer nga armiku sionist, i cili çoi në vdekjen e qytetarëve të pafajshëm që po kalonin në rrugë. Ne theksojmë pozicionin tonë përkrah vëllezërve tanë dhe sigurojmë se Siria dhe Republika Islamike nuk i harrojnë armiqtë e tyre.”, - theksoi ministri i Jashtëm i Sirisë, Faisal Makdad. 

 

Ndërkohë protestuesit e guximshëm në Teheran kanë bërë thirrje për hakmarrje.

 

“Izraeli kësaj here sulmoi drejtpërdrejt, me fjalë të tjera, shpalli luftë. Përgjigja jonë duhet të jetë publike dhe e qartë.”, - u shpreh një protestues.

 

Tel Avivi, i cili rrallë i pranon sulmet e tilla, tha se nuk kishte asnjë koment për incidentin në Siri. Ai më parë fajësoi Iranin për një sulm me dron në Izraelin jugor.