Lufta Izrael – Hamas, Izraeli tërheq trupat nga pjesa jugore e Gazës

 

Ndërsa lufta shkatërruese në Gazë hyn sot në muajin e saj të shtatë, negociatorët nga ShBA-ja, Egjipti, Katari, Izraeli dhe Hamasi takohen sërish në Kajro në një përpjekje të shumëfishtë për të arritur një armëpushim që do të lidhet me lirimin e pengjeve. Izraeli është nën presion si ndërkombëtarisht, ashtu edhe brenda vendit për të arritur një marrëveshje armëpushimi në enklavën e rrethuar. 

 

Të shtunën mbrëma në Tel Aviv pati një mobilizim të madh kundër Netanjahut, duke kërkuar dorëheqjen e tij, zgjedhje të parakohshme dhe një marrëveshje për lirimin e pengjeve.