Sulmi në Zaporizhia rrit rrezikun për incident serioz bërthamor

 

Agjencia e mbikëqyrjes atomike e OKB-së dënoi sulmin me dron në një nga gjashtë reaktorët bërthamorë në centralin bërthamor të Zaporizhzhia të kontrolluar nga Rusia në Ukrainë, duke thënë se sulme të tilla “rrisin ndjeshëm rrezikun e një incidenti të madh bërthamor”.

 

Kreu i IAEA-së, Rafael Grosi, tha se ky ishte sulmi i parë i tillë që nga nëntori i vitit 2022, kur ai përcaktoi pesë parime bazë për të shmangur rrezikun bërthamor me pasoja radiologjike. “Kjo nuk mund të ndodhë!”, shkroi Grosi në llogarinë e tij X të dielën, duke u bërë apel vendimmarrësve ushtarakë dhe duke u kërkuar atyre që të përmbahen nga çdo veprim që shkel parimet themelore që mbrojnë objektet bërthamore.