Atlanta regjistron fitoren e 58 sezonale
Atlanta Hawks koleksionoi fitoren e 58-të sezonale në Nba pasi mundi në "Philips Arena" të Georgias me rezultatin e thellë 96-69 Phoenix Suns...
Vijon në këtë mënyrë momenti pozitiv për kryesuesit e Konferencës së Lindjes. DeMarkeroll, Xhef Tig dhe Mjak Muskala rezultuan tre basketbollistët më të mirë mbi parket për skuadrën e drejtuar nga trajneri Majk Budenholzer me 16 pikë secili.
Në Georgia gjithçka u mbyll me fitoren e Atlantës 96-69, dhe tashmë skuadrës në fjalë nuk i mbetet gjë tjetër veçse të zhvillojë edhe 5 sfidat e mbetura deri në përfundim të sezonit të rregullt për ta përqendruar më pas të gjithë vëmendjen te faza Play-Off ku Atlanta ka si objektiv kryesor mbërritjen deri në finalen e Konferencës së Lindjes.
Në sfidat e tjera të mbrëmjes së Nba San Antonio Spurs i dha një godijte të rëndë shpresave të Oklahoma City Thunder për tu kualifikuar në Play-Off. Kampionët e Nba falë edhe 26 pikëve të realizuara nga Kahi Leonard kaluan me rezultatin 113-88 City Thunder me këta të fundit që pas kësaj disfate zbritën në vendin e 9-të të Konferencës së Perëndimit dhe tashmë e shohin veten të parakaluar nga New Orleans Pelicans nga ana tjetër arritën fitoren e madhe duke mundur me rezultatin 103-100 Golden State Warriors.