Zgjedhjet presidenciale, kandidatët për president prezantojnë programet

Kandidatja e VMRO-DPMNE-së dhe koalicionit, Gordana Siljanovska-Davkova, do ta prezantojë programin zgjedhor para banorëve të Dibrës, Gostivarit dhe Tetovës. 

 

Kandidati për president i mbështetur nga LSDM-ja dhe koalicioni, Stevo Pendarovski, sot do të takohet me qytetarët në Ilinden, Petrovec, Karposh dhe Qendër. 

 

Kandidatja për presidente nga “E Majta”, Biljana Vankovska, do të ketë takime me qytetarët në Kamenicë dhe në Dellçevë. Kandidati për president nga Lëvizja “E di”, Maksim Dimitrievski, sot ndodhet në Demir Kapi, Negotinë, Rosoman dhe Kavadar. Vazhdon karvani i aktiviteteve me kandidatin e “Guximshëm për Maqedoninë”, Stevço Jakimovski. 

 

Kandidati i “Frontit Evropian”, Bujar Osmani, do të vazhdojë me prezantimin e programit të tij në Shkup, ndërsa  kundërshtari i tij nga opozita e bashkuar shqiptare “Vlen”, Arben Taravari, është takuar  me qytetarë në Çarshinë e Vjetër të Shkupit, e më pas në Tetovë.