Konflikti Iran – Izrael, OKB-ja fton në izolim të situatës

 

“Është me rëndësi vitale që të shmanget çfarëdo lloj aksioni që mund të shpie në konfrontime luftarake në shumë fronte të Lindjes së Afërt. Qytetarët e bartin barrën më të madhe dhe paguajnë çmimin më të lartë. Kemi përgjegjësi të përbashkët që të parandalojmë eskalimin e mëtutjeshëm.”, - deklaroi sekretari i përgjithshëm i Kombeve të Bashkuara, Antonio Guterres. 

 

Tel Avivi nuk dëshiron konflikte, por qëndron fuqishëm pas mbrojtjes së popullit izraelit, deklaron presidenti i këtij vendi.

 

“Lufta është e fundit që e do Izraeli në rajon. Ne duam paqe dhe sigurisht i dëgjojmë partnerët dhe aleatët tanë, respektojmë qëndrimin e tyre. Për ta mbrojtur dhe ruajtur popullin tonë, do të ndërmarrim gjithçka që nevojitet.”, - theksoi kryetari i Izraelit, Isak Hercog. 

 

Sulmi ndaj Izraelit ishte minimal dhe sinjal se nëse ky shtet kalon vijat e kuqe ndaj Iranit vijnë pasojat, thotë ministri i Jashtëm iranian.

 

“Qëllimi ynë në këtë akt legjitim të mbrojtjes është thjesht dënim i regjimit izraelit. Ne nuk targetojmë baza amerikane në rajon.”, - u shpreh ministri i Jashtëm i Iranit, Husein Amir Abdollahian. 

 

Ndërkohë Uashingtoni qëndron pas deklaratës se ShBA-ja nuk do të marrë pjesë në ndonjë kundërofensivë kundër Iranit, por se do t’i ndihmojë Izraelit që të mbrohet. Për shkak të situatës së krijuar në Lindjen e Afërt, të martën ministrat e Jashtëm të vendeve të Bashkimit Evropian do të mbajnë një mbledhje urgjente.