Unioni Studentor Shqiptar emërtoi kryetarin e ri

Emërtimi i kryetarit të ri u bë pas prezantimit të raportit për punën dyvjeçare të kësaj organizate, si dhe aktiviteteve të realizuara brenda periudhës së kaluar. Në kuadër të punimeve të tij, Komisioni për Kandidim, i kryesuar nga studenti, Suat Berisha, fillimisht propozoi kandidatin e vetëm për kryetar. Në përzgjedhjen e kandidatit u morën parasysh të gjitha kriteret  e caktuara në rregulloren, siç janë: suksesi në studime, raportet ndërshoqërore, si dhe dëshira dhe gatishmëria për punë dhe aktivitet vullnetar.

Arben Hajrullai është student i diplomuar në Shkencat e Informatikës, ndërsa aktualisht është student në drejtimin e Marrëdhënieve me Publikun dhe ndjek studimet për master në fushën e diplomacisë.

“Jemi nisur me bindjen se ne mund ta ndryshojmë të ardhmen, pasi ne jemi e ardhmja e  shtetit, ne jemi fuqia, ne jemi guximi. Dhe pikërisht për këtë, do të vazhdojmë përpjekjet që në rrugën e dijes dhe hulumtimit të arrijmë cakun.

Është interesant fakti se çdoherë parashtrohet e njëjta pyetje: pse shpresa e vetme mbetet vetëm te studentët? Do të mundohem të përgjigjem në emër të së ardhmes së ngritur . Studentët janë të pavarur ekonomikisht ende nga shteti. Ata janë në pozitën më të mirë ku rriten dhe ngriten intelektualist, sepse gjeneratat e reja sjellin ide kreative, pa prapavija negative”- deklaroi kryetari i Unionit Studentor Shqiptar, Arben Ajrullahi.

Në ndërkohë, kryetari në largim, Daim Luci, si kryetar i parë i unionit u emërtua “kryetar nderi” me shumicë absolute votash nga kuvendarët. Kuvendi Zgjedhor i Studentëve u përshëndet  edhe  nga profesorët universitarë të pranishëm në sallë.( Arlinda Baftiu, TVM2)