Kosovë votohet për shkarkimin e kryetarëve në veri

 

“Ndryshimi është bërë për shkak të pamundësisë me i hap qendrat e rregullta të votimit dhe kjo ka qenë për shkak se i gjithë informacioni që nuk mund t’i hapim këto qendra ka qenë diku të mërkurën dhe derisa i kemi përgatitur lokacionet e reja ka marr pak kohë. Por, ne i kemi ofruar qytetarëve njoftimin përmes platformës së KQZ-së, që i kemi dërguar lokacionet e reja. Ka qenë kohë e shkurtë, por ka qenë e pamundur me u bë më herët.”, tha Kreshnik Radoniqi, kryetari i KQZ-së, Kosovë.

 

Ministri i Administrimit të Pushtetit Lokal, Elbert Krasniqi, i cili po qëndron në veri për të shikuar nga afër rrjedhën e procesit, tha se Lista Serbe, i shfrytëzon institucionet e Kosovës vetëm për vete dhe jo për qytetarët.

 

“Lista Serbe dëshiron ta ketë monopolin mbi politikën e serbëve në Kosovë. Ata i shohin institucionet vetëm për vete dhe jo për qytetarët. Ata vazhdojnë t’i kenë ulëset e rezervuara për komunitetin serb në Kuvend dhe të mos përfaqësojnë interesin e qytetarëve, mirëpo t’i marrin pagat e Kuvendit.”, tha Elbert Krasniqi, ministri i administrimit të pushtetit lokal.

 

Lista Serbe, partia më e madhe e serbëve të Kosovës, si dhe partitë tjera më të vogla nga komuniteti serb në veri të Kosovës kanë vendosur të mos marrin pjesë në votim edhe pse më herët morën pjesë në mbledhjen e nënshkrimeve me qëllim shkarkimin e kryetarëve aktual shqiptarë. Mospjesëmarrjen e tyre në votimin e sotëm ata e kanë arsyetuar me lista joreale të votuesve sepse, siç pretendojnë ata, janë shpërngulur rreth 15 për qind e serbëve dhe kundërshtojnë vendimin e KQS-së, për monitorimin e procesit të votimit me kamera. Të drejtë vote në këto komuna kanë 46.556 votues, që është 1.461 votues më shumë krahasuar me zgjedhjet e 23 prillit 2023.