Formula, Verstappen për herë të parë fiton në Kinë
21.04.2024 18:40
Kampioni aktual botëror në Formula1, holandezi Verstappen (Red Bull) ka shënuar fitoren e tij të katërt në këtë sezonë e cila ishte e para në garën për Çmimin e madhe të Kinës...
Holandezi tre herë kampioni i botës, Max Verstappen fitoren e tij të parë në karrierë në pistën e Shangait, e shënoi me 13.773 sekonda kohë më të mirë se britaniku Lando Norris (McLaren), ndërsa Perez po me Red Bull e mbyll garën në shkallën më të ulët të podiumit. Ferrari mbetet jashtë podiumit, Leclerc dhe Sainz renditen respektivisht në vendin e katërt dhe të pestë.
Me katër fitore nga pesë garat e këtij sezoni, Verstappen po bën hapa të mëdhenjë drejt mbrojtjes së titullit të kampionit. Holandezi ka 110 pikë, ose 25 më shum se kolegu i skuderisë Sergio Perez. I treti në renditje me 76 pikë, është Charls Leclerc. Gara e ardhshme e gjashta nga gjithsej 24 garat e këtij sezoni të botërorit të Formula, do të mbahet me 5 maj në Miami. (Gazetar Safet Ademi)