Përplasen 2 helikopterë në Malajzi, humbën jetën 10 persona

Mësohet se njëri prej helikopterëve preu rotorin e tjetrit përpara se të dy të përplaseshin në tokë. Tragjedia ndodhi në qytetin malajzian, Lumut, i cili është shtëpia e një baze marine. Nuk dihet akoma nëse ka të mbijetuar si pasojë e ngjarjes. Një nga helikopterët, një HOM M503-3 me shtatë persona në bord, raportohet se është rrëzuar në një pistë vrapimi. 

 

Tjetri, një Fennec M502-6 që mbante tre viktimat e tjera, u përplas në një pishinë aty pranë. Gjithashtu, në muajin mars një helikopter i rojës bregdetare të Malajzisë u rrëzua në det gjatë një fluturimi stërvitor, por fatmirësisht nuk u raportua për viktima pasi piloti, bashkëpiloti dhe dy pasagjerët në bord u gjetën dhe u shpëtuan nga peshkatarët.