Tulsa-ShBA, përmbyset autobusi i shkollës, 5 të lënduar

Autobusi u përplas me një pengesë në anë të rrugës dhe u përmbys në shpatin e kodrës. Edhe pse fillimisht mendohej se arsyeja e rrëshqitjes ka qenë koha e keqe, më pas u vërtetua se një makinë i ka dalë me shpejtësi autobusit përpara, duke detyruar shoferin e tij të ndryshojë papritmas drejtimin, më pas makina është larguar.

Në autobus gjendeshin dhjetë fëmijë dhe shoferi. Katër fëmijët e lënduar janë dërguar në spital, por janë jashtë rrezikut për jetë, pasi kanë lëndime të lehta. Shoferi përfundoi me një këmbë të thyer.