FSSh në protestë paralajmëruese, kërkojnë harmonizim me pagën minimale

 

“Nëse kjo nuk ndodh deri më 15 maj, nga 15 maji do të fillojmë çdo ditë, në të gjitha qytetet e Republikës së Maqedonisë për një deri në dy orë, të kemi protesta paralajmëruese. Dhe tash e tutje njoftojmë se nga 1 qershori nëse nuk zgjidhet çështja, do të hyjmë në grevë të përgjithshme.”, - deklaroi kryetari i Sindikatës së punonjësve të Fondit Shëndetësor, Branko Axhigogov.

 

“Ata panë se çfarë ndodhi në shkurt kur Fondi i Shëndetësisë hyri në grevë për vetëm dy ditë. I bëj thirrje të gjithë përgjegjësve që të mos lejojnë këta punëtorë që janë pas nesh të mbyllin dyert, sepse nëse i mbyllin dyert do të vuajnë vetëm qytetarët e Republikës së Maqedonisë. Ju e dini se çfarë shërbimesh ofron Fondi i Sigurimeve Shëndetësore të Maqedonisë. Ne ndihmojmë dhe punojmë për rastet më të këqija në vend.”, - theksoi kryetari i Sindikatës së SPAGJShQ-së, Tërpe Deanoski. 

 

Javën e kaluar Bordi Drejtues i Fondit mbajtën mbledhje ku në rend dite ka qenë rregullimi i pagave të punonjësve. Mirëpo, anëtarët e Bordit Drejtues votuan se nuk do të diskutohet për këtë, gjegjësisht e hoqën atë pikë nga rendi i ditës dhe e lanë të shqyrtohet pas zgjedhjeve.