Zgjedhjet 2024, “Guximshëm për Maqedoninë” fushatë në Ohër

 

“Dëshirojnë t’u përmirësohet standardi, përkatësisht jeta, prandaj ne si “Guximshëm për Maqedoninë” ofrojmë 7 euro për orë pune, që është e rëndësishme dhe punëtorët duhet ta dëgjojnë, se me orën prej 7 eurosh bruto, rreth 644 euro do të jetë rroga minimale.”, - deklaroi bartësi i listës në njësinë e 5-të i “Guximshëm për Maqedoninë”, Samka Ibraimovski.

 

Kandidatja për deputete, Ana Gligorova, u përqendrua te pengimi i mobingut në punë dhe presioni nga përmbaruesit.  

 

“Me peticionin tonë stop për përmbaruesit, stop për kesh kreditë dhe paratë e shpejta, deri tani kemi grumbulluar dy mijë nënshkrime. Gjithsesi punëtorët janë më të shkelurit, sepse një e treta apo një e pesta nga rroga e punëtorit është shumë e madhe.”, - theksoi kandidatja për deputete në njësinë e 5-të e “Guximshëm për Maqedoninë”, Ana Gligorova.

 

Kryetari i partisë “Integra”, njëherit edhe bartës i listës në njësinë e dytë zgjedhore të koalicionit “Guximshëm për Maqedoninë”, Lupço Ristovski, ka apeluar te qytetarët që të kenë kujdes së për cilin opsion votojnë më 8 maj.

 

“Jemi të obliguar që vazhdimisht t’i bëjmë me dije opinionit maqedonas se në këtë periudhë populli maqedonas do të përballet me sjelljen e vendimeve kyçe historike. Kush e din për të satën herë në këto 33 vite Maqedonia dhe populli maqedonas ndodhen në rrugëkryq kyç, kur duhet të vendosin, ku dhe në cilin drejtim.”, - u shpreh bartësi i listës në njësinë e 2-të i “Guximshëm për Maqedoninë”, Lupço Ristovski.

 

Ristovski tha se në këto zgjedhje, qytetarët maqedonas duhet të vendosin për drejtimin në të cilin duhet të shkojë shteti, duke shtuar se më 8 maj me votë vendoset për fatin e familjeve dhe fëmijëve, por edhe të gjeneratave që vijnë.