Botë
Përmbytjet në jug të Brazilit, mbi 30 persona humbën jetën
03.05.2024 11:32
Më shumë se 30 persona kanë humbur jetën dhe dhjetëra janë të zhdukur nga përmbytjet në jug të Brazilit...
Më shumë se 30 persona kanë humbur jetën dhe dhjetëra janë të zhdukur nga përmbytjet në jug të Brazilit. Ekipet e shpëtimit po përdorin helikopterë për të tërhequr njerëzit e ngecur në çati nga shtëpitë. Rreth 15 mijë banorë janë evakuuar.
Sasia e madhe e ujit shkaktoi edhe shembjen e digës hidroelektrike në Rio Grande do Sul, duke lënë të paktën 500 mijë familje pa energji elektrike dhe ujë të pijshëm.
“Tashmë po dëshpërojmë të gjitha vdekjet që nuk janë regjistruar dhe do të jenë të shumta, kryesisht për shkak të rrëshqitjeve të dheut dhe qëndrimit të njerëzve në vende të paarritshme për më shumë se 48 orë. Ne po punojmë shumë për të arritur çdo vend." tha Eduardo Leite, guvernatori i Rio Grande do Sul.
“Ministrja e Mjedisit na paralajmëroi për problemin e klimës, për faktin se ne njerëzit shpesh kemi faj për atë që shohim. Natyra manifestohet dhe kur natyra rebelohet, ne e dimë se dëmi është i madh.”, tha presidenti i Brazilit, Luis Inacio Lula da Silva.