Rusia sulmon me dronë Ukrainën, Peskov: Perendimi rrezikon sigurinë evropiane

 

 

“Në muajt e fundit, të gjithë banorët e Kharkiv dhe rajonit kanë mundur të shohin se bombardimet janë intensifikuar", u shpreh menaxheri i një spitali Ruslan Vragov.

 

“Përplasja ishte aq afër sa shtrati atje. Fillimisht, nuk e ndjeja dorën. Dhe pastaj pashë që këmba më rridhte gjak. Kishte një vrimë në të", u shpreh pensionistja Svitlana Predslavska.

 

"Dëgjova një fishkëllimë para shpërthimit, fillimisht njërin dhe pastaj tjetrin. Nuk e dija se çfarë kishte ndodhur me mua, nuk ndjeja asgjë, por më pas pashë që këmba më ishte thyer", u shpreh vullnetari Valentin Lashkevich.

 

Ditë më parë, gjatë një vizite në Kievë,sekretari i Jashtëm britanik David Cameron, i premtoi Ukrainës 3.74 miliardë dollarë ndihmë vjetore ushtarake. Cameron theksoi se Britania nuk është kundër që Ukraina t’i përdorë armët që i dërgon Britania për sulme brenda Rusisë.

 

Kremlini i ka cilësuar si përshkallëzim të rrezikshëm dhe të drejtpërdrejtë komentet e sekretarit të Jashtëm britanik, duke cilësuar se shfaqin qëndrimin më luftarak kundrejt Rusisë.

 

“Ky është një përshkallëzim i drejtpërdrejtë i tensioneve rreth konfliktit të Ukrainës, i cili potencialisht mund të përbëjë rrezik për sigurinë evropiane, për të gjithë arkitekturën e sigurisë evropiane”, theksoi  zëdhënësi i Kremlinit, Dmitry Peskov.

 

Pas fillimit të konfliktit ushtarak të Rusisë në Ukrainë në vitin 2022,marrëdhëniet midis Rusisë dhe Perëndimit kanë qenë shumë armiqësore