Hendboll, Maqedonia e V. kërkon fitore përballë ishullorëve
07.05.2024 17:37
Të mërkurën përfaqësuesja e Maqedonisë në hendboll për meshkuj, në transfetë do të luajë ndeshjen e parë nga dy ndeshjet me Ishujt Faroe...
Të mërkurën përfaqësuesja e Maqedonisë në hendboll për meshkuj, në transfetë do të luajë ndeshjen e parë nga dy ndeshjet me Ishujt Faroe, të vlefshme për balotazhin e kualifikimit në botërorin e hendbollit. Ekipi përfaqësues tani më është akomoduar në Torshavn, ku edhe do të luhet kjo ndeshje. Të përzgjedhurit e trajnerit Llazarov, do orvaten që në ndeshjen e parë të sigurojnë rezultat të mirë para ndeshjes së kthimit e cila me 12 maj do të luhet në Shkup.
Hendbollistët më të mirë të vendit luajnë për pjesëmarrjen e 9-të, në kampionatet botërore. Ndryshe nga përfaqësuesja e vendit “ishullorët”, kërkojnë kualifikimin e parë në një botëror, ndërsa sivjet debutuan në evropianin e Gjermanisë. Botërori I hendbollit për meshkuj në vitin 2025, do të mbahet në tre shtete- Kroaci, Danimarkë dhe Norvegji. (Gazetar Safet Ademi)