Deri në orën 13:00, 302,158 qytetarë, ose 23,95 për qind, kishin votuar për presidentin.

 

Aktualisht, dalja më e madhe për zgjedhjet presidenciale është në Kriva Pallankë, me 46,44%. Pjesëmarrja më e ulët për zgjedhjet presidenciale është në Likovë, me 3,28%.

 

Krahasuar me raundin e dytë të Zgjedhjeve Presidenciale 2019, kemi një rritje të pjesëmarrjes prej 3,49% në këto zgjedhje. Ndërsa krahasuar me raundin e parë të Zgjedhjeve Presidenciale 2024, kemi një rënie prej 0.7%.

 

Deri në orën 13:00 janë marrë të dhënat për pjesëmarrjen e votuesve për zgjedhjet parlamentare nga 2348 vendvotime. Nga gjithsej 1.207.922 votues të regjistruar në këto vendvotime, votuan 312.070 ose 25.84%.

 

Aktualisht dalja më e lartë për zgjedhjet parlamentare është në Krivogastan, me 48,65%. Pjesëmarrja më e ulët për zgjedhjet parlamentare është në Mavrovë dhe Rostushë, me 11,91%.

 

Krahasuar me zgjedhjet parlamentare të vitit 2020, kemi një rritje të pjesëmarrjes prej 2.03% në këto zgjedhje.

 

Pjesëmarrja sipas zonave për zgjedhjet parlamentare është si më poshtë:

 

Njësia zgjedhore 1 31,18%

 

Njësia zgjedhore 2 23,91%

 

Njësia zgjedhore 3 29,18%

 

Njësia zgjedhore 4 26,40%

 

Njësia zgjedhore 5 25,04%

 

Njësia zgjedhore 6 16.71%

 

Deri më tani në KSHZ janë paraqitur gjithsej 313 kundërshtime për mbrojtjen e të drejtave personale të votimit. Prej tyre, 105 kundërshtime janë pranuar dhe zgjedhësve iu është mundësuar ushtrimi i të drejtës së votës, 9 kundërshtime janë hedhur poshtë si të parregullta dhe 40 kundërshtime janë refuzuar. Kundërshtimet e mbetura po shqyrtohen.

 

Këtë ditë zgjedhjesh e vëzhgojnë 1303 vëzhgues vendas, 860 vëzhgues ndërkombëtarë dhe 83 gazetarë të huaj.

 

Aktiv është edhe numri i telefonit pa pagesë 0800 555 44, ku qytetarët e interesuar mund të bëjnë pyetje apo të denoncojnë parregullsitë në Komisionin Shtetëror të Zgjedhjeve.

 

Aktiv është edhe linja e video thirrjes në numrin 076 488 360, përmes së cilës qytetarët me dëmtime të dëgjimit dhe të folurit do të mund t'i drejtojnë pyetje Komisionit Shtetëror të Zgjedhjeve gjatë ditës së zgjedhjeve përmes video thirrjes dhe të marrin përgjigje në gjuhën e shenjave.