Kina shihet si keqbërës në një dekadë të spiunimit kibernetik

Një kompani e sigurisë në Internet thotë se një grup i spiunimit kibernetik, që me gjasë është i sponsorizuar nga Kina, ka kryer spiunim kundër bizneseve dhe qeverive në Azinë Juglindore dhe Indi, për një dekadë.

 

Në raportin e publikuar mbrëmë nga kompania, FireEye, thuhet se grupi i spiunimit kibernetik ishte i fokusuar në organizatat dhe qeveritë në kuadër të Asociacionit të Shteteve të Azisë Juglindore (ASEAN).

 

Kina i ka hedhur poshtë akuzat e mëparshme se ka kryer spiunim ndaj vendeve të Azisë Jugore dhe Juglindore.