Premtimet ekonomike parazgjedhore, odat ekonomike kërkojnë zbatimin e premtimeve

 

 

“Shumica nga partitë nuk e kanë integruar pjesën e reformave në arsim dhe tregun e punës pasi që kemi mungesë thelbësore të fuqisë puntore dhe duke pasur parasysh trendin dhe fluksin e qytetarëve që ikin në perëndim situata e bizneseve rëndohet. Brenda 4 viteve duhet të punohet fuqishëm që të përshpejtohet procesi eurointegrimeve por dhe të punohet në infrastrukturë ku projektet dhe investimet kapitale të jenë të konkretizuara dhe të mos keqpërdoren mjetet buxhetore dhe financiat publike. Apeli jonë si Odë është që t’i thirren logjikës së shëndosh ekonomike të gjithë aktorëve politik me qëllim që të marrin vendime të duhura”, u shpreh drejtori ekzekutiv në OEMVP, Durim Zeqiri. 

 

Oda Ekonomike e Maqedonisë thotë se pas përfundimit të zgjedhjeve të gjithë duhet t’i rreken punës për ta bërë zhvillimin ekonomik dhe për t’iu siguruar qytetarëve jetë të dinjitetshme në vendin e tyre.

 

 

Alarmante është situata e zhvillimit ekonomik dhe krijimi I deficitit tregtar me shtetet e rajonit thonë nga OEMVP. Imediate është zgjidhja për uljen e kontributeve, e cila do të garantonte më shumë para në arkën e shtetit nga tatimet, duke rritur pagat në sektorin privat dhe duke ulur trendin e ikjes së puntorëve.