Irani humb presidentin dhe ministrin e jashtëm, Teherani shpall pesë ditë zie

 

“Definitivisht Raisi ishte personalitet i njohur dhe është vështirë të zëvendësohet. Mungesa e tij do të ndjehet gjithmonë, por shpresoj se njerëzit do të gjejnë zëvendës që do të shkojë pas rrugës së njëjtë.”, - tha një banor i Teheranit.

 

“Ai përpiqej t’i realizonte obligimet e tij si duhet, por mendoj se nuk ishte i suksesshëm aq sa duhej.”, - tha një banor tjetër i Teheranit.

 

Sipas Kushtetutës, nënkryetari i shtetit e merr funksionin e presidentit përkohësisht dhe ka kohë prej 50 ditëve që t’i organizojë zgjedhjet. Edhe zëvendësministri kalon në pozitën e ushtruesit të detyrës së diplomacisë shtetërore. 

 

“Shpall pesë ditë zie dhe i shpreh ngushëllime popullit të dashur të Iranit. Sipas Kushtetutës, z. Mogber do të jetë i obliguar të menaxhojë me pushtetin ekzekutiv dhe ka për detyrë të organizojë zgjedhjen e presidentit të ri në afat prej 50 ditëve.”, - theksoi udhëheqësi suprem, Ali Khamenei. 

 

Mesazhe ngushëllimi për vdekjen e presidentit iranian shprehën Rusia, Kina, Turqia, Siria dhe vende të tjera. Keqardhje për Teheranin shprehën edhe grupet militante të Hezbollahut, Hutit dhe Hamasit.