Seancë e Këshillit Ekzekutiv të LSDM-së, Kovaçevski konfirmoi tërheqjen nga posti Kryetar i LSDM-së

 

 

“Presidenti Dimitar Kovaçevski në seancë konfirmoi tërheqjen nga posti i kryetarit të LSDM-së dhe inicioi thirrjen e Kongresit të përgjegjshëm. Në bazë të nenit 68 të Statutit dhe tërheqjes së kryetarit të partisë, Këshilli Ekzekutiv ka konstatuar se fillojnë të rrjedhin afatet statutore për organizimin e zgjedhjeve të reja të drejtpërdrejta brenda partisë për zgjedhjen e kryetarit të LSDM-së. Këshilli Ekzekutiv ngarkon këtë Komision, në bazë të Statutit të Partisë, të propozojë një rregullore me orar të propozuar për zbatimin e zgjedhjeve të drejtpërdrejta brenda partisë gjatë muajit qershor në një procedurë transparente dhe demokratike. Sipas të njëjtëve Këshilli Ekzekutiv mori vendim për formimin e Grupeve Punuese për regjistrimin aktiv të anëtarëve për votim në zgjedhjet e drejtpërdrejta brenda partisë, si dhe për organizimin e Kongresit të përgjegjshëm të LSDM-së, në pajtim me Statutin.”, thuhet në komunikatën e lëshuar nga Këshilli Ekzekutiv të LSDM-së. 

 

Në fund anëtarët e Këshillit Ekzekutiv, si dhe anëtarët e kryesisë së LSDM-së, zëvendëskryetarja e partisë, nënkryetarët, sekretari i përgjithshëm, sekretari organizativ, sekretari për bashkëpunim ndërkombëtar, po ashtu dorëzuan dorëheqjet nga pozitat e tyre. Në të njëjtën kohë, sipas dorëheqjeve të paraqitura, thirren edhe anëtarët e Këshillit Qendror që të ndjekin shembullin si akt moral përgjegjësie.

 

Me tërheqjen e kryetarit të LSDM-së, të gjithë kryetarët e Këshillave Komunal dhe kryetari organizativ i qytetit janë në dorëheqje, për faktin se të njëjtit janë emëruar nga kryetari i partisë, ndërsa funksionin e tyre do ta kryejnë deri në zgjedhjen e të rinjve.