Basketboll
NBA – “play off”, Dallas triumfoi në Minnesota
23.05.2024 17:27
Skuadra e Dallas Mavericks fitoi sot ndeshjen e parë play off në Konferencën e Perëndimit në NBA...
Skuadra e Dallas Mavericks fitoi sot ndeshjen e parë play off në Konferencën e Perëndimit në NBA. Skuadra teksane në parket të huaj mposhti me 108-105 në sekondat e fundit Minnesota, duke udhëhequr 1-0 serinë e takimeve.
Dallasi në parket u drejtua nga slloveni Donçiç, i cili këtë takim e përfundoi me 33 pikë, prej të cilave 15 i shënoi në çerekun e katërt. Ai kishte ndihmë të madhe nga Irving, shënoi 30 pikë, e prej të cilave 24 I shënoi në fraksionin e parë.
Tek skuadra e Minnesotës, më I spikatur ishte Mekdaniels që shënoi 24 pikë. Ndeshja e dytë do të luhet sërish në Minnesota, në natën mes të premtes dhe të shtunës.