Situata në Gazë, e rënduar, Izraeli me sulme të reja, palestinezët zhvendosen

 

“Po i përforcojmë hapat tonë në Rafah. Ky operacion do të rritet me më shumë forca në tokë dhe në hapësirën ajrore, duke i arritur qëllimet tona që fuqishëm ta sulmojmë Hamasin, ushtarakisht ta dobësojmë dhe t’i kthejmë pengjet në shtëpi.”, - deklaroi ministri i Mbrojtjes i Izraelit, Joav Galant. 

 

Kryeministri izraelit, Netanjahu, i bindur se janë shkatërruar qindra operacione të Hezbollahut, duke paralajmëruar plane befasuese për armikun.

 

“Kemi detaje të rëndësishme, për më tepër edhe befasuese, plane që nuk i ndajmë me armiqtë, por fokusohen në kthimin e sigurisë në veri dhe e dyta, kthimin e banorëve në shtëpitë e tyre të sigurtë.”, - theksoi kryeministri i Izraelit, Benjamin Netanjahu. 

 

Netanjahu me mesazh për Spanjën Irlandën dhe Norvegjinë, se njohja e tyre e Palestinës për shtet do të ketë pasoja të rënda. E për shefin e diplomacisë së BE-së, njohja nuk është dhuratë për Hamasin.

 

“Kur një shtet sjell vendim që ta përkrahë shtetin e Palestinës, këtë Izraeli e shpall për sulm anti-semit. Të mos i përziejmë punët. Menaxhmenti i Palestinës nuk është Hamasi, kjo nuk është dhuratë. Pozicioni zyrtar i BE-së është që ta mbështesë krijimin e dy shteteve.”, - u shpreh shefi i diplomacisë së BE-së, Josep Borrell. 

 

Ndërkohë, bisedimet për paqe zhvendosen në Evropë. Drejtori i CIA-s, Barns, dhe kryeministri i Katarit, Al- Tani, do të përpiqen t’i zhbllokojnë pikat që mundësojnë marrëveshje përfundimtare mes Izraelit dhe Hamasit, me ç’rast do të ndaleshin tensionet në këtë rajon. Në anën tjetër, Gjykata Ndërkombëtare e Drejtësisë pritet të vendosë mbi kërkesën urgjente të Afrika e Jugut, që Izraeli të përfundojë ofensivën  e tij në Rafah.