Mickoski nuk heq dorë nga ëndrra për t’u bërë pjesë e BE-së

 

“Nga pritja e vazhdueshme humbet dinjiteti ynë, goditet vetëbesimi ynë dhe vetpërcaktimi kolektiv. Nëse flas, kjo nuk do të thotë se heq dorë nga ajo ëndërr, sepse edhe Maqedonia është Evropë dhe e ka të drejtën për anëtarësim në Union, sepse një pjesë të vogël, por shumë të rëndësishme nga kalaja kolektive e Evropës i takon pikërisht Maqedonisë sonë të përbashkët.”, - deklaroi kryetari i VMRO-DPMNE-së, Hristijan Mickoski.

 

Si mandatar i ardhshëm, Mickoski theksoi nevojën për unitet, tejkalim të ndasive dhe urrejtjes, si dhe paralajmëroi se do të kërkohet përgjegjësi nga të zgjedhurit dhe të emëruarit në qeverinë e ardhshme.

 

“Nuk e kemi zgjedhjen e as luksin që të mos kemi sukses, qëllimi im është që t’i tejkalojmë të gjitha ndarjet, ta fitojmë çdo urrejtje dhe t’iu lidhim burimet e së keqes me përgjegjësinë, e cila patjetër duhet të jetë e patejkalueshme, absolute dhe jo selektive. Përkundër kësaj, populli e din se për të gjithë ne ekziston një qiell i njëjtë nën të cilin jetojmë, vuajmë dhe gëzohemi. Pas meje është liqeni i Ohrit, brigjet e të cilit mijëra vite bashkojnë njerëz të përkatësive të ndryshme etnike apo fetare. Nuk ekziston diçka si popull i keq apo i mirë, ekzistojnë vetëm njerëz të dinjitetshëm, të cilët meritojnë gëzim.”, - theksoi kryetari i VMRO-DPMNE-së, Hristijan Mickoski.

 

Mickoski njëherit premtoi se në atë që më së shumti do të fokusohet është ajo që e prek secilin njeri, nevojën për jetë më të mirë dhe ndërtimin e ardhmërisë së përbashkët.