Njëzet e gjashtë persona e humbën jetën në zjarret në Siberi

Në zjarret, të cilat dje i kapluan pjesët e banuara të Siberisë, e kanë humbur jetën 26 persona, ndërsa pothuajse një mijë kanë kërkuar ndihmë mjekësore, kumtuan autoritetet ruse.

 

Gjithsej 77 persona përfunduan në spital, ndërsa tetë janë në gjendje kritike, deklaroi zëdhënësja e autoriteteve rajonale Irina Emelianova.

 

Ajo theksoi se zjarri ka përfshirë më shumë se 30 fshatra, ndërsa pesë mijë persona mbetën pa shtëpitë e tyre, midis të cilëve një mijë janë fëmijë.

 

Autoritetet konsiderojnë se zjarri është pasojë e sjelljes së papërgjegjshme njerëzore dhe djegien e barit të thatë gjatë ditës, e cila ishte jashtëzakonisht e nxehtë.

 

Rreth pesë mijë shpëtues luftuan për ta shpëtuar Blazes në Hakasia në rajonin e Siberisë juglindore, ku e humbën jetën 23 persona, kumtuan autoritetet.

 

Zjarret shpërthyen edhe në Siberinë lindore, ku e humbën jetën tre persona, midis të cilëve edhe një vajzë tre vjeçare, deklaruan përfaqësuesit e rajonit Çita.

 

Kremlini kumtoi se me aksionet urgjente të shpëtimit koordinon personalisht presidenti Vladimir Putin.

 

Dje, herët në mëngjes janë shuar zjarret në të gjitha 38 fshatrat, me ndihmën e aeroplanëve, pasi është shkaktuar dëm material prej rreth 49 milionë dollarëve, deklaroi kryeministri i Republikës Hakasia, Viktor Zimin./mia