Kumanovë, vijojnë aplikimet për mbështetjen e bujqëve

 

“Fillojmë nga kulturat drithërore të cilat subvencionimin bazorë e kanë 6 mijë denar për hektarë, ndërsa nëse përdorin farë të certifikuar të blerë aty përfitojnë edhe 7 mijë denarë që do kapë shumën 13 mijë denarë, nëse të njejtit prodhimin e dorëzojnë në kapacitete përpunuese e grumbulluese atëher i përfitojnë edhe 6 mijë denarë për hektar e cila shumë nuk ka qenë më parë, këtu kemi edhe kultura të tjera si për shembull luledielli që prodhohet më pak, por që baza është 6 mijë denarë si dhe 4.500 denarë përfitim nëse i shesin në kapacitete grumbulluese apo përpunuese.”, u shpreh Xhabir Ramadani nga Agjencia për nxitje dhe zhvillim të bujqësisë.

 

Ramadani gjithashtu na njoftoi se ngritje të subvencioneve kemi edhe tek produktet sa i përkasin kulturave perimore.

 

“Tek kulturat perimore, ku hyjnë, specat, domatet, trangujt etj, në kushte normale 10 mijë denarë është pagesa për hektarë, ndërsa nëse dorëzohen në kapacitete përpunuese atëherë i përfitojnë edhe 20 mijë denarë për hektarë, por që duhet të dorëzohen më së paku 20 ton speca, 15 ton domate etj.”, theksoi Ramadani.

 

Xhabir Ramadani, u bënë thirrje të gjithë bujqëve e blegtorëve që të respektojnë afatet për aplikimin për përfitimin e subvencioneve, ku të njetit aplikimet mund ti kryjenë përmes formës online. Nga kjo Agjenci, na informuan se më së shumti aplikues për përfitimin e këtyre granteve ka nga bujqit e fshatrave të Komunës së Kumanovës, por vërehet interesim edhe nga bujqit fshatrave të Komunave të Likovës dhe Nagoiriçit të Vjetër.