Nigeri, marsh në njëvjetorin e rrëmbimit të 200 nigerianëve

Një marshim do të mbahet në kryeqytetin e Nigerisë, Abuja, ku do të marrin pjesë 219 vajza për të përfaqësuar çdo bashkëmoshatare të zhdukur, ndërkohë që marshime të ngjashme do të mbahen edhe në Londër e Uashington. 

 

Para një viti, “Amnesty International” deklaroi se 2 mijë gra dhe vajza janë rrëmbyer vitin e kaluar, duke u kthyer në shërbëtore apo skllave seksi për militantët e “Boko Haram”.

 

Rrëmbimi i vajzave në Çibok, në verilindje të Nigerisë, më 14 prill 2014 shkaktoi një indinjim global, me shumë vende, përfshirë këtu Shtetet e Bashkuara të Amerikës dhe Kinën, që premtuan se do të angazhoheshin për lirimin e tyre, mirëpo deri tani asnjë nuk është gjetur.

 

Organizatorët e këtyre fushatave kritikuan qeverinë nigeriane të presidentit të atëhershëm, Goodluck Jonathan, se nuk bëri sa duhet për të gjetur vajzat dhe për të luftuar rebelimin 6 vjeçar të “Boko Haram” në veri.

 

Por, vetë Jonathan tha për BBC-në se politikat e vendit ishin më të rëndësishme se jeta e vajzave.