“Fronti Evropian”, padi në Gjykatën Administrative për rivotimin në Zhelinë

Më herët KShZ-ja nuk e pranoi kundërshtimin e “Frontit Evropian” për rivotimin e kësaj qendre votimi, me të cilin koalicioni i udhëhequr nga BDI-ja humbi një deputet në rezultatet e 8 majit, ndërsa koalicioni VLEN mori një mandat deputeti. Për të kompletuar përbërjen e Kuvendit, KShZ-ja duhet të shpallë emrin nga koalicioni VLEN, pasi Bilall Kasami dorëzoi dorëheqjen në legjislativ. Kasami në vend të deputetit vendosi të mbetet kryetar komune.