Zgjedhjet në LSDM, 5 kandidatë do të garojnë për kryetar partie

 

Ish-nënkryetari i LSDM-së dhe deputeti në përbërjen e re parlamentare, Fatmir Bytyqi, në një postim në rrjetet sociale thotë se nuk do të kandidojë për kryetar. Arsyeja e vendimit të tij, Bytyqi thotë se është parandalimi i fragmentimit dhe polarizimit të mëtejshëm në mesin e anëtarëve të partisë. Ai paralajmëron edhe fraksione apo veprim grupor brenda LSDM-së.

 

“Në kuadër të Lidhjes Socialdemokrate të Maqedonisë, NE do të funksionojmë ndoshta si fraksion, ndoshta si grup, por sigurisht si pjesë e LSDM-së, që nuk do të shkojë askund tjetër - natyrisht, përderisa të dëshmojë në vepër ai që zgjidhet kryetar se ndan të gjitha ato vlera që NE përfaqësojmë. Për të qenë të qartë: NE nuk pranojmë më kompromise me vlerat themelore socialdemokratike, siç është bërë në dy vitet e fundit e më shumë. Nuk kemi më hapësirë dhe kohë për improvizime me ideologjinë që bartim brenda.”, ka shkruar Bytyqi në rrjetin social Fejsbuk. 

 

Afati për paraqitjen e kandidaturave për kryetar partie në LSDM skadon sot. Ditë më parë kandidaturën e tyre e dorëzuan tre kandidatë, Slavjanka Petrovska, Jovan Despotovski dhe Venko Filipçe. Tre pretendentët theksuan nevojën e rindërtimit të partisë. Mbetet për t'u parë nëse edhe dikush tjetër do të shfaqë ambicie për të udhëhequr partinë, e cila pësoi një humbje të rëndë në zgjedhjet e fundit. Zgjedhjet e brendshme partiake janë shpallur me vendim të Bordit Ekzekutiv dhe do të mbahen më 30 qershor.