Fundoset një anije në ujërat e Mesdheut, dyshohet se janë mbytur rreth 400 emigrantë

Rojet bregdetare italiane kanë shpëtuar 144 njerëz dhe kanë nisur një operacion ajror dhe detar, me shpresën për të shpëtuar të tjerë.

Organizata “Save” the “Children” ka thënë se shumica e të mbijetuarve “janë të rinj, e ndoshta edhe të mitur”. Të mbijetuarit kanë thënë se tragjedia e fundit ka ndodhur pasi anija me rreth 550 emigrantë është mbytur një ditë pasi ka lënë Libinë.