Vala e të nxehtit kaplon vendin, fillon zbatimi i rekomandimeve të qeverisë

 

Në temperaturat e larta dietologët rekomandojnë që të kemi më shumë kujdes për shëndetin tonë. Të evitojmë ushqimet e proceduara, si dhe të konsumojmë sa më shumë lëngje, pemë dhe perime.

 

“Tek personat që vuajnë nga ndonjë sëmundje veç më duhet të kenë kujdes nga këto nutrientë, është mirë që gjatë temperaturave të larta, kujdesi të jetë i dyfishtë dhe nga ana tjetër, nëse konsumohen produkte më pak të proceduara, siç janë frutat ose perimet, përveç se përmbajnë më pak yndyrë, në të njëjtën kohë ato edhe  përmbajnë më shumë ujë, sasi më të lartë të ujit dhe ne në rast se gjatë ditës nuk kemi arritur të konsumojmë mjaftueshëm ujë, hidratimi mund të plotësohet nga këto produkte.”, - theksoi dietologia, Valbona Kadriu.

 

Qytetarët thonë se në këtë të nxehtë dalin për t’i kryer obligimet e tyre.

 

“Pak si rëndë, por po, duhet të dalim patjetër. Duhet të shkoj deri në ambulantë të marr një rezultat, po në kohë.”, - u shpreh një qytetar.

 

“Po, në kohë e marr terapinë, ruhemi nën hije në këtë nxehtë.”, - u shpreh një qytetar tjetër.

 

Nga qeveria po ashtu i rikujtojnë punëdhënësit për punëtorët e ekspozuar jashtë, detyrimin për respektimin e rregulloreve ligjore në këtë fushë, pasi që mund të paraqesin një rrezik shtesë për shëndetin e tyre.