Shkupi, nikoqir i samitit të SEECP-së

Në Shkup po mbahet takimi ministror dhe samiti i krerëve të shteteve dhe qeverive në kuadër të Procesit të Bashkëpunimit të Evropës Juglindore.

Kryesuesi i Samitit, Bujar Osmani, tha se pjesëmarrësit në proces kanë arritur rezultate të rëndësishme në shumë fusha, por se duhet të dyfishojnë përpjekjet e tyre për qëllimin përfundimtar: anëtarësimin në BE për të gjithë pjesëmarrësit e SEECP-së.

“Më lejoni të deklaroj edhe një herë dokumentet tona themeluese që tregojnë qëllimin bazë të procesit tonë rajonal: marrëdhëniet e fqinjësisë së mirë, stabilitetin, sigurinë dhe bashkëpunimin në Evropën Juglindore dhe aspiratën për integrimin e vendeve tona në familjen euroatlantike të kombeve të lira dhe demokratike, të cilat janë të rëndësishme dhe të zbatueshme sot si në të kaluarën. Zgjerimi i BE-së është një nga projektet më të suksesshme të paqes në kontinentin evropian që sjell vlerë të pazëvendësueshme në ndërtimin e shoqërive elastike dhe arritjen e progresit dhe prosperitetit ekonomik. Më shumë integrim para anëtarësimit paraqet zgjidhje të përshtatshme për sfidat e gjata me të cilat po përballemi.”, - deklaroi kryesuesi i Samitit të SEECP-së, Bujar Osmani.