Lëvizja e Di zbulon kandidatët për ministra

 

I gatshëm  për të hyrë në qeveri është koalicioni VLEN, propozimet e të cilit për ministra kanë kaluar tashmë filtrat partiakë. VLEN do të udhëheq me departamentet e ekologjisë, shëndetësisë, politikës sociale, integrimeve evropiane, ekonomisë dhe zyrës së zëvendëskryeministrit për qeverisje të mirë. Nga Alternativa bëjnë me dije se ish-drejtori i MEPSO-s Orhan Murtezani do të jetë propozimi i partisë së Gashit për integrime evropiane. 

 

Mandatari për formimnin e Qeverisë së re Hrsitijan Mickovski listat me emërat e Ministrave duhet ti kalojë të dielën  në Bordin Qendror dhe Ekzekutiv të partisë. Në kuadër të VMRO-DPMNE, sipas informacioneve jo zyrtare Timço Mucunski mund të propozohet për ministër të Jashtëm, Aleksandar Nikollovski për ministër të Transportit dhe Lidhjeve, Vllado Misajllovski mund të propozohet ministër i Mbrojtjes ndërsa Pançe Toshkovski akoma nuk është definuar nëse do të jetë sekretar i përgjithshëm i Qeverisë apo do të mbetet ministër i Brendshëm. Për ministre të arsimit përflitet emri i Vesna Janevskës. Emrat e saktë do të mësohen nga mbledhja e organeve të partisë të dielën kur Mickoski ka ftuar Komitetin Qendror dhe Ekzekutiv. 

 

Ditë më parë mandatari për formimin e Qeverisë, Hristijan Mickoski tha se bisedimet kanë përfunduar edhe në kuadër të eshalonit të tretë dhe së shpejti do të dihen emrat konkret. Votimi i Qeverisë pritët të bëhen më së voni më 23 qershor.