Shqipëri, besimtarët falin namazin në sheshet kryesore

 

“Kjo festë sjell për neve begati dhe te fëmijët tanë. Ju urojë gëzuar festën e Kurban Bajramit. Allahu ju ndihmoftë, na ndihmoftë të gjithëve dhe na e përmirësoftë gjendjen tonë në të mirë, ashtu si në familje dhe si në shoqëri, sepse familja është bërthama shumë e rëndësishme në jetën njerëzore dhe e patjetërsueshme në asnjë mënyrë dhe në asnjë rrethanë, në gjitha kohërat që në minieun e parë dhe deri në ditën e fundit të kësaj bote.”, tha kreu i Komunitetit Musliman të Shqipërisë Bujar Spahiu.

 

Me falje të organizuar nëpër sheshe u shënua Kurban Bajrami edhe në qytetet tjera të Shqipërisë.  Festën e Kurban Bajramit e uruan sot edhe krerët më të lartë të shtetit dhe politikës shqiptare. Kreu i qeverisë, Edi Rama uroi besimtarët myslimanë “Gëzuar Kurban Bajramin” me anë të një postimi në rrjetet sociale. Kreu i Shtetit Bajram Begaj teksa përcolli urimin e tij, theksoi se Kurban Bajrami bart mesazhin e sakrificës sublime duke mundur egoizmin, zemërimin dhe lakminë. Një urim me rastin e kësaj dite e përcolli edhe kryetarja e Kuvendit Lindita Nikolla, e cila në mesazhin e vet theksoi se kjo ditë i frymëzon njerëzit për më shumë solidaritet me ata që janë në nevojë.