Paralajmërohet i nxehti afrikan, DPHM: Vendi ynë hynë në fazën portokalli

 

“Nga nesër deri të dielën, Maqedonia e Veriut do të jetë nën ndikimin e një mase ajri e ngrohtë që vjen nga jugu dhe që do të shkaktojë mot me diell dhe të ngrohtë mbi mesataren për këtë periudhë të vitit. Temperaturat e ditës kudo do të jenë mbi 30 gradë, e në disa vende do të arrijnë deri në 40 gradë Celsius.”,- thuhet në njoftimin e DPHM-së.

 

Nga Drejtoria për Çështje Hidrometeorologjike thonë se sipas vlerave kufitare të parashikuara dhe të llogaritura të temperaturave ekstreme, territori i vendit nesër do të jetë me ngjyrë të verdhë aktive, ndërsa në luginën e Shkupit dhe Pollogut në nivel portokalli për rrezik nga temperaturat e larta. Për shkak të rritjes së mëtejshme të temperaturave, nga e enjtja në të gjithë vendin do të jetë aktiv niveli portokalli.