Lideri i Hezbollahut kërcënon Qipron, rriten tensionet me Izraelin

 

Kjo është hera e parë që lideri i Hezbollahut kërcënon Qipron, një anëtare e Bashkimit Evropian që shtrihet në detin Mesdhe, afërsisht 200 kilometra nga Libani dhe që ka mbajtur stërvitje të përbashkëta ushtarake me Izraelin që nga viti 2014 dhe deri në vitin e kaluar. Në përgjigje të kërcënimit nga Nasrallah, presidenti i Qipros, Nikos Kristodoulides, tha se ishulli "nuk ishte i përfshirë në asnjë mënyrë në konfliktet e luftës". 

 

Kërcënimi i Nasrallahut erdhi si pjesë e një përgjigjeje të zjarrtë ndaj paralajmërimit të Izraelit dhe kërcënoi se do të "trondiste shtyllat" e Izraelit nëse "do t'i imponohej një luftë Libanit". Tensionet midis Hezbollahut dhe Izraelit janë rritur që nga sulmet e Hamasit të 7 tetorit dhe fushata ushtarake që pasoi nga Forcat Mbrojtëse të Izraelit në Gazë. Javët e fundit, intensiteti i sulmeve ndërkufitare mes të dyve është rritur, duke ngritur shqetësime mbi perspektivën e një lufte të plotë.