Lindja e Mesme, Izraeli kërcënon Libanin; Hezbollahu, Izraelin

 

“Po e kompletojmë intervenimin ajror dhe tokësor. Po i përforcojmë sistemet zbuluese dhe po përgatitemi për çfarëdo situate. Patjetër të përkujtohemi se Hezbollahu ka nisur luftë kundër nesh më 8 tetor, një ditë pas Hamasit dhe prej atëherë nuk është ndalur.”, - deklaroi ministri i Mbrojtjes i Izraelit, Joav Galant. 

 

“Nëse i imponohet lufta Libanit, do t’i kundërvihemi pa kontroll dhe rregulla. Paqja në frontin në Liban, ndërprerja e zjarrit në linjën e frontit në Jemen dhe në frontin në Irak është mënyra e vetme për ndërprerjen e luftës dhe agresionit në Gazë, në kuadër të bisedimeve me të cilën do të pajtohej udhëheqësia palestineze.”, - deklaroi lideri i Hezbollahut, Hasan Nasralla.

 

Lideri i Hezbollahut kërcënoi edhe Qipron, për të cilën tha se do ta vlerësojë si pjesë të luftës nëse Izraeli do të vazhdojë t’i shfrytëzojë aeroportet dhe bazat e saja për trajnime ushtarake. Ndërkohë ushtria izraelite ka vazhduar sulmet në Rafjh të Rripit të Gazës, prej ku njoftohet edhe për likuidimin e një komandanti të Hamasit. 

 

“Hamasi është ide e ngulitur thellë te banorët e Gazës. Nëse Qeveria nuk gjen alternativë, Hamasi do të mbetet në Rripin e Gazës.”, - theksoi zëdhënësi i ushtrisë izraelite, Daniel Hagari.

 

Po ashtu zëdhënësi i ushtrisë izraelite i ka konfirmuar mospajtimet mes kryeministrit Netanjahu dhe zyrtarët më të lartë ushtarakë.