MPJ e RMV-së reagon ndaj regjistrimit në Shqipëri

 

“Ministria shpreh pakënaqësi dhe reagon ashpër ndaj përdorimit të termit “maqedonasit-verior” dhe përdorimi i emrit të shtetit si emër i bashkësisë etnike. Ministria do të thërrasë ambasadorin Danço Markovsk për konsultime urgjente në drejtim të përkufizimit të mangësive dhe parregullsive në këtë proces, shqyrtimin e mundësive për korrigjim adekuat të lëshimeve të bëra dhe gjetjen e mënyrave më adekuate për veprim të përbashkët dhe avancimin e raporteve bilaterale me Republikën e Shqipërisë”, thonë nga Ministria e jashtme. 

 

Premtojnë se do të ndërmarrin hapa konkret për t’i kushtuar vëmendje më të madhe zhvillimit të maqedonasve në Shqipëri.

 

“Të gjitha çështjet e hapura mes dy shteteve fqinje duhet të zgjidhen nëpërmjet dialogut e kuptimit të ndërsjellë dhe respektimit të rregullave, parimeve dhe vlerave të përparimit të drejtë ndërkombëtar”, thuhet mes tjerash në reagimin e Minsitrisë së Jashtme të Maqedonisë së Veriut.

 

Sipas regjistrimit të popullsisë të publikuar nga Instituti i Statistikave në Shqipëri jetojnë 2.281 ‘Maqedonas të Veriut’, ndërsa në regjistrimin e vitit 2011 ka pasur 5512 maqedonas. Poashtu janë regjistruar edhe 7 mijë bullgar. Sipas regjistrimit të vitit të kaluar në Shqipëri jetojnë 2 milionë e 402 mijë e 113 banorë ose rreth 420 mijë më pak se në censin e vitit 2011.