Hojt Brajan Ji, institucionet të bashkëpunojnë me Avokatin e Popullit

Cenimi i  të drejtës së privatësisë me përgjimet masive dhe pasojat të cilat mund të rezultojnë nga mos-zbardhja eventuale e rastit, ishin në qëndër të takimit të Avokatit të  Popullit, Ixhet Memeti, me  Zëvendës Ndihmësin e Sekretarit Amerikan të Shtetit për Evropën dhe Azinë, Hojt Brajan Ji.

 

Zëvendës Ndihmësi i Sekretarit Amerikan të Shtetit për Evropën dhe Azinë, Hojt Brajan Ji ,  dha mbështetje të plotë dhe të parezervë për masat e ndërmarra, si dhe për nevojën e veprimit të mëtutjeshëm. Sipas tij,  është me rëndësi të madhe që institucionet të bashkëpunojnë me Avokatin e Popullit dhe t’i mundësojnë zbatim kualitativ dhe papengesë të procedurës.

 

Në takim u bë fjalë edhe për nevojën e domosdoshme për përforcimin e mandatit të tij, pavarësinë financiare, kapacitetet kadrovike, seriozitetin e raporteve vjetore dhe respektimin e rekomandimeve të tij.