Pentagoni: RMV-ja dhe Greqia duhet ta lënë mosmarrëveshjen jashtë NATO-s

Shtetet e Bashkuara të Amerikës mbështesin fuqimisht Marrëveshjen e Prespës dhe shpresojnë se mosmarrëveshjet dypalëshe do të mbeten jashtë NATO-s, tha për Zërin e Amerikës në maqedonisht, drejtori kryesor për Evropën dhe NATO-n në Pentagon, Olton Bjuland.

Për një koment pas reagimeve të fundit nga Athina dhe qëndrimeve të presidentes Siljanovska-Davkovës dhe kryeministrit Mickoskit për Marrëveshjen e Prespës, Bjuland ia kaloi topin Departamentit të Shtetit.

“Unë do t'ju referoj përsëri në Departamentin e Shtetit për komente veçanërisht për mosmarrëveshjet diplomatike dypalëshe, por ne shpresojmë që ato të mbeten jashtë Aleancës dhe se bashkëpunimi rajonal do të vazhdojë, veçanërisht kur rajoni dhe bota më gjerë janë në një situatë kaq të rrezikshme kohë kritike tani. Ne presim me padurim të jemi nikoqir të 32 vendeve aleate këtu javën e ardhshme për Samitin e NATO-s dhe besojmë se ky samit do të jetë një demonstrim solidariteti midis aleatëve. Angazhimi për mbrojtjen kolektive dhe bashkëpunimin mes të gjithë aleatëve tanë” – tha Olton Bjuland, Drejtor për Evropën dhe NATO-n në Pentagon.