Rritja e pensioneve, Mexhiti: 2.500 denarë nga shtatori, 5.000 në mars

 

“Sigurojmë se kjo Qeveri do të trajtojë qytetarët me dinjitet dhe do të mundësojë të ardhmen më të mirë dhe që Qeveria e kaluar thuajse nuk bëri asgjë në këtë drejtim. Siç e kam thënë, kjo Qeveri do të jetë e fokusuar në ekonomi, do të punojmë që qytetarët tanë të kenë të ardhura më shumë dhe standard më të lartë për jetë. E para, do ta kryejmë këtë. Javën e parë kjo Qeveri rriti pensionet 5.000 denarë, nuk flasim për 900 denarë, por për 5.000 dhe tregova me data se kur fillon e para dhe e dyta, mandej vazhdojmë në fazat e tjera 3 apo 4.”, - deklaroi zëvendëskryeministri, Izet Mexhiti.

 

Ndërkohë, sa i përket kërkesës së sindikalistëve për rritjen e pagës minimale në 450 euro, ministri i Punës dhe Politikës Sociale, Fatmir Limani, tha se në vazhdim do ta shqyrtojnë situatën reale, por që buxhetin e kanë të ulët.

 

“Jemi në kontakt të përbashkët. Planifikojmë të ulemi së bashku dhe ta shohim situatën reale. E dimë që Qeveria e kaluar ka shfrytëzuar apo keqpërdorur buxhetin e ministrisë sonë nga 60 deri më 80%. Me këtë e kanë vënë në pikëpyetje edhe pagesën e pagave të rregullta. Për këtë do t’ju informojmë në mënyrë plotësuese.”, - theksoi ministri i Politikës Sociale, Fatmir Limani. 

 

Ndërkohë nga Sindikata e Pavarur e Maqedonisë kanë kërkuar që Qeveria në 100 ditët e para të Qeverisë, jo vetëm të diskutojë, por edhe të arrihet një zgjidhje që paga minimale të arrijë në 450 euro.