Mexhiti me vlerësim për gjyqësorin: Reformat janë të patjetërsueshme

 

“Bashkë me partnerët tanë në Qeveri dhe partnerët strategjik do të gjejmë formën më të mirë për reforma në gjyqësi dhe për ta kthyer shtetin ligjor, sepse ajo është shtylla më e rëndësishme e çdo shteti normal, atje ku pretendojmë të jemi pjesë e Unionit Evropian. Ndryshimi i Kodit Penal ishte në funksion të disa funksionarëve në të kaluarën që ikën nga shteti, i ikën gjyqësisë, thjesht ishin një ndihmë dhe një porosi e keqe  për korrupsionin, ishte një përkrahje në mënyrë indirekte për korrupsionin dhe mendoj se do ta shqyrtojmë seriozisht, për të rikthyer shtetin ligjor dhe për të bërë ndryshimet e nevojshme konform asaj që secili që ka gabuar para ligjit të përgjigjet para organeve të gjyqësisë.”, - deklaroi zëvendëskryeministri i parë, Izet Mexhiti. 

 

Edhe kryeministri Mickoski, ditë më parë potencoi se nuk heq dorë nga reformat thelbësore në Këshillin Gjyqësor dhe Këshillin e Prokurorëve Publik. Por, Këshilli i Prokurorëve Publik u shpreh kundër kryeministrit. Shpërbërja, sipas tyre do të ishte e dëmshme për tërë organizatën e prokurorisë dhe do ta prishte plotësisht punën e Prokurorisë Publike. Përgjegjësia, sipas tyre duhet të jetë individuale.